Nuet longia di Museums

Sada, 22.09.2012
17.00 – 23.00

Ntreda debant

Dala 17:00 Prugram per mutons y families

„Śën iela mudeda la cossa ...“
Cianties y stories da n iede y da ncuei

Tl zënter dla sëira iel doi cianties de Franzl da Puent y Franzl da Poz, - „Śën iela mudeda la cossa“ y „Marianna“ - purtedes dant dala doi ciantarines jëunes Alma y Laura Moroder, acumpaniedes ala chitara da Viktor Canins. Nëinesc y l‘aves nes cunterà leprò de canche ëi fova pitli.
Mutons y mutans possa cianté pea y crië daldò de fantasia cun pintes da culëur y d’autri materiai lucënc vel blot pez de furnimënt, se lascian ispiré dai motives y dala figures dla cianties.

Daldò ie duc nviei a n pitl renfrësch.

Dala 20:30 Cunferënza (tla rujeneda tudëscia)

„La strutura dl nridlamënt tla valedes ladines tres la storia - cun referimënt particuler a Gherdëina“

Cunferënza cun l professëur Wilhelm Lutz, che te chësta ucajion sëurandà al Museum
si documentazion de fotografies di vedli mejes de Gherdëina fates ntan si studi tl 1956/57.
Daldò ie duc nviei a s’la cunté inant pra velch da bever y da pesslé.

Sëuraprò ala cunferënza vëniel metù a jí doi jites menedes dal prof. Lutz da mez n di: n sada ai 22.9 danmesdì sa Bula y la dumënia ai 23.9 sun Daunëi y Tublà. La jites ie debant.


Download Poster