L liber di ghesć “Fremdenbuch” de Dantersasc (1894-1908)

Presentazion dl prim liber di ghesć “Fremdenbuch” dla sosta de Dantersasc (Langkofelhütte/Rifugio Vicenza) cumprà dal Museum Gherdëina

n juebia ai 13 de juni 2013 tla gran sala dl chemun de Santa Crestina
dala 20.30


Do la paroles de salut da pert dl Assessëur ladin Florian Mussner y dl ambolt de Santa Crestina Eugen Hofer nvieia l Presidënt dl Museum Gherdëina Wolfgang Moroder y la Diretëura dl museum Paulina Moroder via ala presentazion dl liber che l Museum à abù la fertuna de pudëi cumpré y purté inò te Gherdëina de gra al sustëni dla Repartizion Cultura y Ntendënza ladina, dl Chemun de Santa Crestina y de privac.

Ingrid Runggaldier, tuadëura dla storia dl turism y dl alpinism, tenirà n referat sun la nasciuda tl 19ejim secul dla lies alpinistiches y di mëiacrëp tl’Europa y te Gherdëina. La cunterà coche l se à purtà pro che la Sezion Academica de Viena dl DuÖAV à fat su la sosta de Dantersasc tl 1894. La jirà oradechël nce ite sun i prim ani de storia dla hutia che ie documenteda bën tl liber di ghesć, l “Fremdebuch”. L sarà da udëi fotografies dla hutia, de persunaliteies che à abù da nfé limpea y sambën nce vel’ ejëmpl dl cuntenut dl liber.

Do l referat saral mo n cërtl de discuscion cun ntervënc di mëinacrëp Wolfi Mussner, Luis Schenk, Mario Senoner y Walter Piazza, bele da truep ani ost dla hutia, che cumpleterà la nfurmazions sun l liber y la hutia de Dantersasc cun si cunescënzes storiches y lecurdanzes.


La sëira vën metuda da jì dal Museum de Gherdëina, dal Cunsëi de furmazion de Santa Crestina y dala Lia da Mont Gherdëina

L liber puderà tl daunì unì consultà tl Museum Gherdëina per tuédes storich-scientifiches.

Download Nvit