Giaurida ufiziela dla mostra nueva
Pec de n mond
Figures de Gherdëina danter na imaja de sé y na ududa sun l mond
Can? 29 de jené 2026, dala 6 da sëira
Ulà? segondo partimënt dl Museum
Per njenie ite la mostra nueva dedicheda ai juesc dla Sevi, iel tl medemo tëmt nce unit laurà ora n cunzet per prejenté da nuef lëures reprejentatives dla rica culezion de scultures y pitures dl Museum Gherdëina. L fin ie de mëter chësta opres te n cuntest slargià ora ala imajes globales tla storia dl’ert.
La mostra nueva "Pec de n mond" nvieia i vijitadëures a ti cialé al’ert dl ziplé y dl depënjer de Gherdëina te n barat cun l mond sëura la valeda ora. Chësta mostra nes lascia udëi coche i artisć y l’artistes, i artejans y l’ artejanes y i marcadënc y marcadëntes de Gherdëina fova cunliei cun l’ert y la curëntes cumerzieles europeiches – caraterisedes dala cultura dla chëurtes, da vijions colonieles y da tradizions locales.
Tl medemo tëmp criovi n si mond iconografich, te chël che l se refletea la vita da paur tla Dolomites, l artejanat y si imaginazion artistica. Danter la imaja de sé y la ududa sun l mond neguzieia la figures dumandes de identità, aprupriazion y reprejentazion – y mostra coche l se à furmà tl 19ejim secul da chësta imajes n cheder “tradiziunel” de Gherdëina che viv n pert mo inant nchina ncuei.
Prugram
InaugurazionDaniel Alfreider, Vizepresidënt dl guviern provinziel y Assessur par l’Istruziun y cultura ladina
Paroles de salut
Georg Senoner, Presidënt dl Museum Gherdëina
Tobia Moroder, Ambolt de Urtijëi
Ntroduzion ala culezion
Paulina Moroder, Diretëura dl Museum
Presentazion dla mostra
Jamila Moroder, Storica d‘ert globala y curadëssa
La mostra ie da pudëi vijité ntan i orares reguleres de giaurida dl Museum.
Vijites menedes cun la curadëssa ntan dut l mëns de faurè, uni vënderdi dala 4 domesdi.
DOWNLOAD POSTER
