Tour virtuel tres l Museum Gherdëina

Scuvride l Museum Gherdëina da cësa ora! Nosc tour virtuel fej udëi duta la sezions dla mostra permanënta, dantaldut la storica esposizion de scultures tla gran sala y i juesc dla vedla chiena de Gherdëina tl partimënt suaut – nsci coche dut fova da udëi dan che la culezions ie dunides teutes ju defin per pudëi njenië ite la mostra nueva interativa “Dal lën al juch – Sevi ora per l mond” de dezëmber 2025.
 
La vedrines ie njeniedes ca te na maniera rica cun scultures dla culezion dl Museum, che fej udëi la gran varietà de figures zipledes y l savëi di vedli scultëres de Gherdëina di seculi passei. Tl medemo mumënt pieta la raida digitela na cërcia di pec cris ora per la mostra nueva “Pec de n mond” - dala popes de lën y tieres ziplëi de Gherdëina nchin a na vela de scultures sacreles, figures y pitures de genre dal 1800 al 1950 secul.
 
Scuviride nce i pec metui ora tla sales dla geologia y mineralogia, flora y fauna y dl’archeologia.