Danmesdi de cunselënza per patrons di mejes de Gherdëina
vendërdi, 21 de fauré 2020, dala 10 ala 12tla Cësa de Cultura a Urtijëi (pitla sala dla cunferënzes)
Tl cuntest dl proiet “Mejes” vëniel metù a jí n danmesdi de nfurmazion y cunsulënza per patrons nteressei di vedli frabicac da paur. N puderà damandé do y se lascé cunsië pra esperc y tecnics deferënc sun cuestions che reverda la dertureda, cunservazion y/o scunanza de si vedla cësa da paur o tublà storich.
L sarà a despusizion per dé nfurmazions persones cumpetëntes
• dla Ripartizion Bëns culturei (Amt für Denkmalpflege)
• dl Ufize provinziel per la Planificazion dl paesasc (Amt für Land- schaftsplanung)
• dl Ufize per l Frabiché y l ambolt de Urtijëi Tobia Moroder.
Per njenie ca miec l’ancunteda vëniel cunsià de dé sëura danora la numer dla parzela y de tó pea pra la ancunteda ancajo nce dessënies y fotografies dl frabicat n cuestion.
Chësc servisc de nfurmazion ai patrons di mejes nteressei vën pità debant.
Persones nteressedes possa se lascé nuté su nchin ai 19 de fauré tl Museum (da lunesc a venderdi, 9.00-12.00 y 14 – 18) o cherdé su tel. 0471 797554, o mandé na e-mail ala adrès: info@museumgherdeina.it.