Jita culturela - sada, ai 17 de mei 2025

Jon a La Pli de Fodom a cialé l Mujeo Ladin che conta la storia y la cultura de si valeda y l Museo Civico Vittorino Cazzetta a Selva de Ciadura cun si reperc archeologics unics y fossìi de marueia.


Prugram dl di:

• Dala 8 daduman muvons da plaza Sant’Antone demez cun la curiera “Viaggi Gardena” per furné nchin a La Pli de Fodom.
• Dala 10 jons a cialé l Mujeo Ladin Fodom. L museum trata plu tematiches; la storia dla valeda, la cultura dla jënt, l ambient y l’architetura ntëurvia. L diretëur dl Istitut Ladin Cesa de Jan, Denny Dorigo y si culaburadëssa nes aspieta per na vijita meneda tres la sales, ulache chëst ann iel mo metuda ora nosta mostra itineranta “Mejes de Gherdëina”.
• Na marënda tipica ons apustà a Selva de Ciadura tl Rifugio Aquileia a 1583 metri de autëza, tlo ons nce na bela ududa sun l Pelm.
• Dala trëi domesdì iel sun l prugram na vijita meneda tl Museo Civico Vittorino Cazzetta. Te chësc museum paleontologich, archeologich y storich iel metui ora reperc unics, coche la piedies de dinosaur y la straurdinera supeltura mesolitica dl “Om de Mondeval” che va ndëur a za. 7.500 ani. La scuvierta de chësc schelet ie unit a lum tl 1987. La strutura nueva ie unida inaugureda tl 2010.
• Dala cinch dajons ëuta a cësa.

L priesc dla jita ie de 60 € per cumëmbri y de 70 € per nia cumëmbri. Laite iel l viac cun la curiera, la marënda y la doi ntredes cun vijita meneda.

Iscrizions: dal lunesc al vënderdi, 9-12, 14-18, nchin ai 9 de mei dala 18.00. Tel. 0471 797554,
Email: info@museumgherdeina.it
 
 
 
Per paië ite possen passé diretamënter tl museum o tres banca
IBAN: Südtiroler Sparkasse AG - IT51 F060 4558 6800 0000 0119 900
IBAN: Raiffeisen Gherdëina - IT 98 M 08238 58680 000302027585

L nes fajëssa dassënn plajëi, sce la Ve jissa ora de unì pea, nce cun Vosc partners!
 
 
DOWNLOAD NVIT