Pitura

 
Na sezion ntiera dl Museum ie dedicheda ala pitures de artisć de Gherdëina dl 19ejim y 20ejim secul.

Na mpurtanza particulèra ti vën data a Josef Moroder Lusenberg (1846-1939) - Bera Sepl da Jumbierch -, un di artisć ladins plu cunsciui a ciaval dl 1900. N culaburazion cun l'Istitut Ladin "Micurá de Rü", à l Museum Gherdëina dat ora n liber sun si vita y si opres. L'autora dla publicazion ie Sybille Moser-Ernst.

La culezion de pitures stluj ite sëuraprò operes de Josef Anton Mahlknecht coche nce de Peter Demetz, Luis Piazza, Mili Schmalzl, Hans Sontheimer, Leo Crepaz y autri.

L moler, poet y scritëur Franz Noflaner (1904-1989) ie reprejentà cun trëi gran chedri di ani 1970.

De Hugo Vallazza (1955-1997) iel da udëi cater pitures di ani 1980-85 ora dl archif privat dl artista mprestedes dala familia.

Formuler per apusté