Di internaziunel di museums
18.05.2014
Di dla porta davierta
Open day 10.00 - 18.00

Ntreda debant

"Der Berg Ruft" | "The Challenge“

N film tudësch di crëps adatà per l publich nglëisc

"Der Berg ruft” (1937/1938) ie un di films plu cunesciui de Luis Trenker. Y purempò ne sà l publich de rujeneda tudëscia la majera pert nia che Trenker à nce fat na verscion nglëija ntituleda "The Challenge" (La ndesfideda). Scebën che l’azion di doi films dla prima arpizeda dl “Matterhorn ie feter la medema y baseda sun fac storics dl 1865, iel mpo da udëi ora defrënzies de mpurtanza. Per fé plu nteressant l film "The Challenge" per l publich dl chino tl’Nghiltiera, à Trenker messù mudé defin sibe l stil coche nce I carater di prutagunisć.
Tl 1938 vën l film mustrà per l prim iede te n tëmp nia saurì, do che l nazional-sozialism à abù la sëuravënta, ma mo dan che l rumpissa ora la segonda viera mundiela. Sibe "Der Berg ruft” coche nce "The Challenge" ie perchël adatei a se fé n cheder plu sot y ntënder miec i aspec defrënc dla produzion de film tl Terzo Reich.

L germanist american prof. Kamaal Haque (Dickinson College/USA) se à dat ju cun chësc film, studian tres nce l’Archif Luis Trenker tl Museum Gherdëina. L autor mustrerà y spligherà te si ntroduzion al film la mudazions che Trenker à fat, acioche l genre dl Bergfilm tudësch jisse plu a cuer al publich nglëisc.

Pruiezion dl film (tla bibliotech)
dala 10.30 | Der Berg ruft
D 1937, Luis Trenker, 98 min. (tla rujeneda tudëscia)
dala 14.30 | The Challenge
UK/D 1938, Milton Rosmer, Luis Trenker, 75 min. (tla rujeneda nglëija)
dala 16.00 | Cunferënza dl prof. Kamaal Haque (tla rujeneda tudëscia)
dala 16.30 | Cunversazion cun Martin Kaufmann, Filmclub Bulsan
Vijita meneda tla mostra dedicheda a Luis Trenker

dala 14.00 inant
Domesdi criatif per families y jëuni
Mutons y jëuni puderà dé na udleda tl mond dl chino mo da dan l tëmp digitel cun l produtëur de films Matthias Höglinger, a scumencé dala vedla fotocameres cun film, pruietadëures da chino cun lum nchin via pra la mëisa da taië pro cun forfesc y pich. Cun Marie-Theres Thaler puderà uniun dessenië nstës si pitl „chino“ sun papier.

dala 11.00 inant (tl verzon)
Lianies blances y pratedes, crafons y velch da bever

N culaburazion cun: Filmclub de Bulsan, Alpenverein Südtirol, Lia da Mont de Gherdëina y Union di Ladins de Gherdëina.

Sëira dedicheda a Luis Trenker tl Filmclub de Bulsan, ai 21.05.2014, dala 20

Download Poster
Download Prugram
Download Handout

Articul de Kamaal Haque