Nstalazion „L Nost“ tl foyer dl Museum

L roman “L Nost“ ie unit tëut tres dai studënc dla cuinta tlasses dl Lizeum d‘ert Cademia tl cuntest de n proiet multilingual de culaburazion danter la Scola y l Museum Gherdëina d’inviern 2016/2017.
I dessënies fac dai studënc che se à dat ju cun la biografia dl Nost y la tematiches defrëntes che vën dant tl romann (vita da zacan, tradizions, ambient dla vedla Gherdëina) ie da udëi - adum a na instalazion cun mëisa, computer y autri pec persunei dla scritëura Frida Priazza, - da n juebia, 20 de auril inant, tl foyer dl Museum tla Cësa di Ladins.
Tla Biblioteca ladina te cësa pudran consulté pra na mëisa de libri la publicazions dla scritëura.