C + M + Baltasar

N Rë african tl’ert dl Medieve nchin al 20ejim secul

Cunferënza de Jamila Moroder, storica dl’ert

ai 6 de dezëmber 2022 dala 20 Uhr
tl Museum Gherdëina, Cësa di Ladins a Urtijëi

La cunferënza ie dedicheda ala reprejentazion dl Rë african tla iconografia di Trëi Rëiesc, a scumencé da si prima presënza tl’ert dl Mediëve tla Boemia nchin che l ie deventà na figura cunesciuda y populera sëura duta l’Europa. La referënta mostra su l cuntest storich-culturel global che lascia recunëscer la trasfurmazion dla figura de Baltasar da serviënt dl rë al rë unerà y venerà. La formes desferëntes dla reprejentazion de Baltasar tla storia dl’ert nes dà da ntënder coche la relazions politiches, religëuses y cumerzieles danter I cuntinënt eurepeich y l cuntinënt african se spiedla diretamëter tla imaginazion y reprejentazion de chësta figura biblica. Opres d’ert cun l motif dl viac y dl’adorazion di Trëi Rëiesc che ie da udëi tla mostra da Nadel tl Museum Gherdëina sëuraprò ai afrësc y ala pitures d’autere dl Sudtirol, ulache Baltasar ie rafigurà coche Rë african Fosch*, vën metudes n relazion cun pitures cunesciudes de Memling, Mantegna, Dürer, Bosch, Rubens y autri artisć.

Do la cunferënza Ve nvions de cuer a n vijita meneda cun la referënta ala mostra da Nadel.

Jamila Moroder ie na storica dl’ert y tuadëura, che se nteressea dla relazions ntrecedes danter ert, culëur, guant y politica. Dal 2021 fejela pert de n program de relazions cultureles dl DAAD (Deutscher Akademischer Auslandsdient) danter studënc, tuadëures, artisć y artistes dl Maroch y di Paejes Tudësc. Ëila à fat si master te Storia dl’ert tl cuntest global, cun na spezialisazion sun Afrika, tl ann 2020 pra la Università liedia de Berlin.

* Cun "fosch" ntënden tlo na autodefinizion politica y la purteniënza socio-politica, y nia na carateristica biologica y na naturalisazion de na categoria razista.