8 de merz 2024 - Di nternaziunel dl’ëiles

Matinée – Stories de ëiles de Gherdëina dl 18ejim y 19ejim secul

 
Testemunianzes abinedes ca ora di archifs
y purtedes dant da Marta Valersi y Josef Nössing.
Tla rujeneda tudëscia.
 
Vënderdi ai 8 de merz dl 2024
dala 10:30 nchin la 12 tl Museum

 
 
Curta descrizion: La matinée pieta n viac tres la storia dl’ëiles de Gherdëina tl 18ejim y 19ejim secul. L ie stories vëires vivudes de zandleres y zandlëtes, zipladësses, marcadëntes y buteghieres, de chëles che purtova ora l pan y de chëles che jiva cun si marcanzia ora per l mond, de sarturësses y de fanceles y de mo truepa d’autra ëiles y de d’autri mestieres. L vën a lum destins, situazions datrai nce tragiches, coche gaujes de na mort. Danter i argumënc tratei vëniel dant i luesc ulache les jiva a abité do maridé, dla opres a fin de bën dla benefatëures, la posizion soziela y giuridica dl’ëila ti seculi passei.

La testemunianzes crisses ora dai documënc nes juda a ntendër chësta vites, coche nce la ndesfides y i suzesc dl’ëiles de Gherdëina te n tëmp de mudazion soziela y politica cun ndesfides nce economiches.

Reladëures:
Marta Valersi se dà bele ju da truep ani cun la trascrizion de documënc dla storia de Gherdëina tl Archif storich dla Pruvinzia.
Josef Nössing lëura da n grum de ani incà te deplù pruiec dl Museum y se dà ju cun la storia dl nridlamënt de Gherdëina. Ël ie nce autëur dla publicaziun nueva "Frühes Gröden" data ora dal Museum Gherdëina d’autonn 2023.